კიბერსივრცის ახალი გამოწვევები და საქართველო

წიგნი წარმოადგენს მეორე ქართულენოვან გამოცემას კიბერუსაფრთხოებისა და ინფორმაციული უსაფრთხოების მიმართულებით. მოცემული დარგით დაინტერესებული საზოგადოება წიგნში გაეცნობა კიბერსივრცეში მიმდინარე მნიშნელოვან მოვლენებსა და არსებულ ახალ გამოწვევებს როგორც საქართველოში, ისე გლობალურ დონეზე. ასევე ინფორმაციას მიიღებს საერთაშორისო დონეზე არსებულ ტერმინთა განმარტების თაობაზე და, ამავდროულად, საშუალება ექნება თავის საქმიანობაში გამოიყენოს წიგნის ბიბლიოგრაფიის ნაწილში მოცემული საკმაოდ მდიდარი ლიტერატურული მასალა.

წიგნი საინტერესო იქნება იმ ადგილობრივი სამეცნიერო წრეების წარმომადგენელთათვის, რომლებიც აპირებენ კიბერუსაფრთხოებისა და ინფორმაციული უსაფრთხოების უფრო სიღრმისეულ შესწავლას. აგრეთვე, შეიძლება გამოყენებულ იქნეს როგორც სახელმძღვანელო საბაკალავრო, სამაგისტრო და სადოქტორო სასწავლო პროგრამების სტუდენტებისთვის.

წიგნი გახდება მოცემული დარგით ქართულ ენაზე საგამომცემლო საქმიანობისა და ტრადიციის დანერგვის ბიძგის მიმცემი, რაც თავს მხრივ საფუძველს ჩაუყრის ქართულ ენაზე კვლევითი მიმართულებისა და სასწავლო პროცესის განვითარებას.