გზაგასაყარზე

ჩემი თაობის ცხოვრებაში ყველაზე გამორჩეული და განმსაზღვ-რელი ფაქტორი აღმოჩნდა მომავლის არაპროგნოზირებადი ხასიათი და განვითარებული ისტორიული მოვლენების სრული მოულოდნელობა. ან ვინ იფიქრებდა, რომ შევიდოდით ერთ, მდორე, უინტერესო და უფერული ცხოვრების მდინარეში, სადაც ყველაფერი წინასწარ იყო ცნობილი, ცხოვრების წესი ერთხელ და სამუდამოდ გაწერილი და წარმატების საზღვრები მეტ-ნაკლებად დადგენილი, – და გამოვიდოდით მეორე ნაპირზე, – სადაც ყველაფერი აღმოჩნდებოდა ახალი, უცნობი, მოლოდინით სავსე და შეუზღუდავი.