რუსული ოკუპაციის ისტორია საქართველოში

სტუდენტთა სახელმძღვანელოდ გამიზნული წიგნი 12 თავისგან შედგება, რაც ბაკა­ლავ რიატის სალექციო კურსის ოდენობამ და საგნის სილაბუსმა განაპირობა. ეს არ არის კონსპექტური წიგნი, ამიტომ უფრო მეტად არ შევზღუდეთ მისი ფორმატი. ჩვენ ვითვალისწინებთ ჰუმანიტარული ფაკულტეტის სტუდენტების, მათ შორის მომავალი ისტორიკოსების ინტერესს შესასწავლი თემების არა მარტო თეორიული მასალისა და მოვლენების კონცეპტუალურ შეფასებათა მიმართ, არამედ იმ წყაროების, ინფორმაციების, ტერმინებისა და სხვა თვალსაჩინო მასალის წვდომის თვალსაზრისითაც, რაც მათ მეტ ცოდნას მისცემს და პროფესიულ უნარებს გამოუმუშავებს. საკმაოდ ვრცელი წყაროების ტექსტში შეტანა, ვფიქრობთ, გამართლებულია იმით, რომ ამ წყაროებიდან მიღებული ინფორმაციები ზოგჯერ გაცილებით მეტს ამბობენ წარსულის მოვლენებზე, ვიდრე თეორიული მსჯელობები.